Është rritur me ritme të frikshme numri i viktimave nga koronavirusi. Mëngjesin e sotëm raportohet se nga virusi misterioz kinez kanë humbur jetën 910 persona. Vetëm në 24 orët e fundit kanë humbur jetën 97 persona, një rekord për numrin ditor të të vdekurve deri tani.
Sipas BBC, brenda Kinës janë mbi 40 të prekur nga virusi dhe 187 prej tyre janë në gjendje të rëndë shëndetësore.
Problem për përhapjen e virusit janë kthyer edhe anijet kroçiera, ato janë shndërruar në vatra të virusit për shkak të kontakteve ndërmjet njerëzve. Në anijen e bllokuar në Japoni dje janë raportuar edhe 60 raste të reja me koronavirus. Në bord të anijes janë rreth 3700 vetë.
Sakaq, të shëruarit nga koronavirusi janë shumë pak në krahasim me numrin e të prekurve. Sipas BBC, rreth 3000 persona janë shëruar deri tani pasi janë prekur nga virusi.
Koronavirusi ka tejkaluar në numër viktimash SARS-in që preku botën në 2002-2003. OBSH-ja që prej 30 janarit ka shpallur gjendjen e emergjencës globale.
