Për tregtarët është me mjaft leverdi që të shesin gjalpë të përzierë, duke e servirur si të freskët. Nuk janë të paktat rastet kur tregtarët që e sheshin në rrugë, ta reklamojnë sikur e kanë bërë me duart e tyre, dhe se është pa hile. Në grackën e tyre bien shumë qytetarë, pasi dëshirojnë një produkt bio, ndryshe nga ato çfarë blejmë në supermarkete.
E dini se cili është dallimi mes gjalpit dhe margarinës? Ndonëse të dyja përdorën për qëllime të njëjta, ndryshimet mes këtyre dy produkte janë të shumta. Ato dallojnë për nga lloji i yndyrës që përmbajnë dhe mënyrës se si përpunohen. Gjalpi prodhohet nga produktet e bulmetit, zakonisht nga qumështi i lopës, por mund të bëhet edhe nga qumështi i deles, dhisë etj. Ndërsa margarina bëhet nga vajrat bimorë.
Gjithashtu ato dallojnë dhe nga përpunimi i tyre, gjalpi përpunohet më lehtë dhe mund të bëhet edhe në shtëpi, ndërsa margarina ka proces më të ndërlikuar, kalon në procesin e hidrogjenizimit dhe gjatë përpunimit humb vlerat ushqyese. Për këtë arsye gjalpi është më i shëndetshëm.
Një qytetar që i ka shkruar gazetarit Mentor Kikia, thotë se ai është mashtruar për gjalpin që kishte blerë, e ndërsa era e tij nuk kishte lidhje me produktin.
Statusi
Gjalpi që zjente si supë….
Ja cfarë më shkruan një burrë. E besoj, nuk ka për qëllim të dëmtojë prodhimin vendas, sic akuzohen shpesh ata që bëjnë të tilla kritika. Eshtë inxhinier dhe njeri shumë serioz.
“Para disa kohesh bleva 2 kg “gjalpe” dele tek nje baxho ne Boboshtice. “Gjalpe” kishte emrin, dhe per gjalpe na e shiti zoteria atje, por qe une sot nuk e di se cfare eshte. Ne shtepi e provoj, por shija dhe era e gjalpit te deles, ishte larg. E vura ne tigan, por aty cfare nuk shkrihej dhe digjej, por jo gjalpe. As ere dhe as shije Sot vendosa ta shkrij qe te pakten ta perdor te shkrire per gatim. Cfare ndodhi??? “Gjalpi” filloi te zieje sikur ishte supe a corbe, por gjithsesi jo gjalpe. Nga ajo qe mbeti, ishin 2 pjese, njera pjese ne siperfaqe e tejdukshme ne ngjyre te verdhe, dhe nje pjese tjeter (me shume sesa gjysma) dicka qe nuk kishte as shije dhe as ere gjalpi. Nuk di se cfare ka gatuar ky zoteria i baxhos, por ju o njerez shikojini dhe kontrollojini. Mund tju vendos ne dispozicion edhe pakon (kilogramin e dyte) te kesaj corbe qe e shesin per gjalpe”.
