Nga Karla Adam & William Booth “The Washington Post”
Kryeministri britanik, Boris Xhonson, fitoi më në fund mbështetjen e ligjvënësve për të thirrur zgjedhjet e parakohshme parlamentare. Ato do të mbahen më 12 dhjetor, dhe krye tema do të jetë Brexit. Parlamenti britanik, do të shpërndahet javën e ardhshme, dhe partitë do të hyjnë në një fushatë zgjedhore 5-javore.
Kjo do të jenë zgjedhjet e para në Britani, që mbahen në dhjetor që nga viti 1923. Kohë kur britanikët preferonin përzierjen e Krishtlindjes, me aktivitetet e partive politike. Votuesve do t’u duhet të bëjnë disa zgjedhje të forta mbi Brexit. Krahas premtimeve të zakonshme, skenarëve të frikshme, keq-përfaqësimeve dhe numrave të mjegullt.
A do të konfirmojnë britanikët, se duan në shumicë të largohen nga Bashkimi Evropian? Apo do të ndryshojnë mendje dhe do të vendosin të qëndrojnë në klubin më të madh tregtar në botë? Partia Konservatore nën drejtimin e Xhonsonit, do të garojë duke qenë 100% pro Brexit. Nën sloganin “Ta përfundojmë Brexit”.
Kryeministri, po planifikon të bëjë fushatë kundër establishmentit: Opozitës deviante, juristëve dhe elitave të tjera, për të cilat ai thotë se kanë komplotuar për t’i mohuar vendit lirinë e tij nga BE. Mos e harroni se Xhonson është një vetë një nga të privilegjuarit. Djali i një diplomati, i shkolluar në Eton dhe Oksford, ai u bë gazetar dhe më pas një politikan i famshëm në vend.
Ai shpreson që zgjedhjet e zgjedhorit, do t’i japin mundësi partisë së tij të fitojë shumicën parlamentare, dhe vetë atij mandatin për të çuar deri në fund Brexit. Dhe kjo sipas kushteve të marrëveshjes së tërheqjes, që ai negocioi së fundmi me udhëheqësit e BE.
Partia e re Brexit, e udhëhequr nga Najxhëll Fareixh, do të jetë 200 për qind pro Brexit, duke argumentuar: E pse duhet biseduar më me evropianët? Le të dalim sa më shpejt nga BE. Liberal Demokratët, do të bëjnë fushatë për të ndaluar Brexit-in. Ata kërkojnë një referendum të dytë.
Edhe Partia Nacionaliste Skoceze, do të lobojë për qëndrimin në BE. Dhe do të promovojë edhe pavarësinë e Skocisë.
Pastaj është Partia Laburiste e Xheremi Korbin, sot opozita kryesore në vend. Laburistët do të prezantojnë një axhendë socialiste të shekullit XXI, duke synuar të rimarrin sërish kontrollin e shërbimeve dhe transportit. Kjo e pasuara një Marrëveshje të Re të Gjelbër, për të frenuar ndryshimet klimatike, dhe për të vendosur punëtorët në bordet e korporatave. Ajo do të bëjë fushatë nën parullën: “Për shumicën, dhe jo pakicën!”.
Por laburistët, kanë adoptuar një qasje konfuze mbi Brexit. Plani zyrtar i partisë është:Le t’i fitojmë zgjedhjet. Më pas negociojmë një “Brexit laburist” shumë të butë, me shumë lidhje me Evropën. Pastaj të mbajmë konferencën kombëtare, për të vendosur nëse do ta mbështesim ose jo marrëveshjen. Dhe në fund, le të mbajmë një referendum të dytë, për të parë nëse populli e mbështet atë.
Sondazhet e fundit, e rendisin Partinë Konservatore 10 për qind më lart se laburistët. Por ekspertët e sondazheve, paralajmërojnë se është ende herët. Tereza Mej, paraardhësja e Xhonsonit, pati një avantazh prej 20 për qind ndaj laburistëve, kur thirri zgjedhjet e parakohshme në prillin e 2017-ës.
Por laburistët e ngushtuan diferencën gjatë rrjedhës së fushatës, çka i kushtoi zonjës Mej mazhorancën parlamentare. Nëse Xhonson do të arrijë të rruajë epërsinë e tij prej 10 për qind deri në ditën e zgjedhjeve, kjo do t’i mjaftojë për të pasur një mazhorancë. Atëherë ai mund të bëjë atë që do me Brexit-in.
Por, nëse konservatorët e Xhonson nuk fitojnë shumicën në total, ata do kenë kanë më pak miq se sa laburistët, me të cilët mund të merren vesh. Në një manovër pak para zgjedhjeve, Xhonson ri-pranoi 10 nga 21 deputetët, që i përjashtoi nga partia muajin e kaluar. Mes tyre është edhe Nikolas Sames, nipi i Uinston Çërçill.
Pakti mbi zhvillimin e zgjedhjeve, është një lajm i mirë i rrallë për Xhonsonin. Që kur u zgjodh si drejtuesi i Partisë Konservatore dhe kryeministër i vendit në korrik të këtij viti, ai ka pësuar humbje të njëpasnjëshme. Deputetët miratuan në parim marrëveshjen mbi Brexit që ai negocioi me krerët e BE. Por më pas, Dhoma e Komunave, e refuzoi kalendarin e përshpejtuar, përmes së cilit Xhonson dëshironte miratimin e marrëveshjes.
Në fund, Xhonson u detyrua të pranojë i mërzitur ofertën e BE-së, për të shtyrë Brexit-in deri në janar. Më pas, ai humbi edhe mocionin e tij të tretë për shpalljen e zgjedhjeve të parakohshme.
Presidenti i Këshillit Evropian Donald Tusk, që harxhoi më shumë kohë me Brexit sesa do të dëshironte gjatë mandatit të tij 5-vjeçar, njoftoi se 27 anëtarët e mbetur të BE-së kishin miratuar zyrtarisht shtyrjen e Brexit deri në fund të janarit. “Mund të jetë shansi i fundit”- iu drejtua ai britanikëve, duke shtuar:”Unë do t’i mbaj të kryqëzuar gishtat e mi për ju”./ TIRANA TODAY
