Mbretëria e Bashkuar ka regjistruar shifra në rënie në tri ditë radhazi, por në bilancin e publikuar sot ka pasur një luhatje shumë të madhe.
Në 24 orët e fundit janë regjistruar pothuajse dyfishi i viktimave që janë regjistruar ditën e djeshme. Dje u raportua për 439 viktima, ndërsa sot janë shënuar 854 vdekje.
Sipas mediave britanike, në Irlandën Veriore u shënuan 3 viktima, në Angli 758, në Skoci 74 dhe në Uells 19.
Koronavirusi ka shënuar deri më tani 6,227 viktima në Mbretërinë e Bashkuar. Shkencëtarët javët e fundit kanë parashikuar se kulmi i shpërthimit në Britani do të ishte për Pashkë, duke sugjeruar se kombi ka përpara shtatë ditë të trazuara.
Në të gjithë botën janë verifikuar më shumë se 1,36 milionë raste me koronavirus, ndërsa 76,482 persona kanë ndërruar jetë.
