Ministrja e Arsimit Besa Shahini ka njoftuar se nxënësit do i rikthehen normalisht mësimit ditën e nesërme.
Me anë të një statusi në “Facebook”, ministrja bën me dije se dy shkolla vartëse nuk do të hapen nesër, por nxënesit do të dërgohen në një tjerët shkollë.
“Siç njoftuam edhe dje, të gjitha shkollat janë gati për të rifilluar mësimin. Aty ku ka patur plasaritje, janë mbyllur dje nga ekipet që punuan deri natën vonë. Dy shkolla vartëse nuk do të hapen nesër, por nxënësve u është siguruar transport për tek shkolla qendër. Shpresoj që nxënësit dhe prindërit pushuan dhe u qetësuan sot. Nesër të gjithë në mësim”, shkruan Shahini.
Dita e sotme ishte pushim për nxënësit në Tiranë, Durrës dhe Elbasan. Shkak u bë situata e pasigurtë, pas tërmeteve që goditën vendin.
