Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë.
Bëhet fjalë për dy shtetas që kishin ardhur në Greqi nga vendet e Afrikës së Jugut, para hyrjes në fuqi të masave kufizuese. Nuk kanë lidhje me 40-vjeçarin në Kretë që është “pacienti 0” i Omicron në Greqi.
Sipas informacioneve të protothema.gr, dy rastet që ndodhen në Athinë dhe mbërritën në vend nga Afrika e Jugut para hyrjes në fuqi të ndalimit, u konfirmuan se ishin të infektuar me variantin Omicron.
Siç shkruante protothema.gr të shtunën, rastet kishin simptoma të lehta dhe për këtë arsye iu nënshtruan një testi.
Burimi i lajmit: protothema. Përshtatur nga Tirana Today
