Ekonomia kineze ka hyrë në ditët e saj të zeza. Që pas shpërthimit të koronavirusit është vënie një rënie e tregjeve globale dhe sidomos atyre kineze, duke qenë se rreth 70 milionë njerëz ndodhen në karantinë. Qeveria kineze ka njoftuar se do të shpërndajë 675 milionë dollarë për të luftuar koronavirusin, kryesisht në zonat e prekura.
“Në Kinë ka zona që prodhojnë rreth dy të tretat e PBB-së të cilat kanë zgjatur pushimet e tyre edhe për dy javë të tjera. Punëtorët nuk po kthehen në fabrika. Pra, tremujori i parë dhe me siguri edhe tremujori i dytë i vitit 2020 do të kenë rezultate shumë të dobëta ekonomike.”
Francis Lun, Drejtor Ekzekutiv i firmës Geo Securities në Hong Kong, paralajmëron se ndikimi mund ta tejkalojë Azinë.
“Rritja ekonomike globale mund të zvogëlohet me 0.5 për qind,” tha Lun.
Përhapja e virusit ka prekur edhe lojërat e fatit në Makaon e qeverisur nga Kina, ku kazinove u është kërkuar të mbyllen për dy javë. Kazinot e Makaos zakonisht janë të mbushura me kinezë të pasur, por këtë javë ato janë të zbrazëta për shkak se njerëzit po përpiqen të shmangin koronavirusin.
