Dy makina janë përfshirë nga flakët mbrëmjen e sotme në bulevardin “Aqif Pasha”, pranë stadiumit “Elbasan Arena”.
Raportohet se makinat janë përfshirë në të njëjtën kohë nga zjarri. Sipas BalkanWeb, një nga mjetet djegura është në pronësi të ish-kryetarit të Gjykatës së Elbasanit në vitin 2017.
Dy makina të shërbimit zjarrfikës janë paraqitur në vendngjarje, të të cilat bënë të mundur shuarjen e zjarrit. Në vendngjarje është paraqitur edhe policia, e cila po heton për zbardhjen e plotë të shkaqeve të zjarrit.
Njoftimi i policisë:
Elbasan/Informacion paraprak
Në lagjen “Kongresi”, Elbasan, ka rënë zjarr dhe djegur 2 mjete në pronësi të shtetasit A.V., 59 vjeç, banues në Elbasan, të cilët ishin të parkura në rrugë.
Grupi hetimor ndodhet në vendngjarje dhe po punon për zbardhjen dhe sqarimin e rrethanave të ngjarjes.
