Aristidi Kolaj, sulmuesi anësor i kombëtares U-19 që aktivizohet tek skuadra e të rinjve të Sassuolos , ka pasur një start të përsosur. Në përballjen e ditës së sotme me Romën ai ka arritur të gjejë dy herë rrugën e rrjetës.
Ekipi i tij fitoi me rezultatin 3-5 përballë Romës duke bërë një përmbysje të madhe. Roma kaloi e para në avantazh të trefishtë duke zbehur shpresat e skuadrës së Sasuolos, por ishte Kolaj ai i cili rindezi sfidën pasi ngushtoi diferencën në minutën e 38.
Ndërsa tre minuta para përfundimit të pjesës së parë ai shënon edhe golin e dytë personal dhe për skuadrën duke e futur bindshëm në lojë skuadrën e tij.
