Reshjet e mbrëmshme kanë shkaktuar shumë probleme në qytetin e Durrësit. Një pjesë e mirë e lagjeve ka vuajtur bllokimin e kanalizimeve, çka ka sjellë dhe përmbytjen e rrugëve.
Raportohet se disa zona si kryqëzimi te Stadiumi, kryqëzimi pranë lagjes 17, aksi i brendshëm nga Torra Veneciane në drejtim të Currilave janë më problematiket. Mësohet se këto zona vijojnë të jenë nën ujë që prej mbrëmjes së djeshme.
Kryesisht në zonën e lagjes 13 në Plazh dhe Shkozet ka pasur probleme me banesat e përmbytura si dhe me trafikun e makinave.
