Një automjet ka përplasur për vdekje një 87-vjeçar pasditen e sotme, në rrugën Gjiri i Lalëzit, në fshatin Radë.
Policia njofton se drejtuesi i mjetit është shtetasi me iniciale E.Q, 37 vjeç, i cili ka përplasur për vdekje 87-vjeçarin me inicialet S.D.
Ndërkohë, 37-vjeçari është shoqërur në Komisariatin e Policisë së Durrësit për veprime të mëtejshme.
Njoftimi i Policisë:
Më datë 05.04.2019 , rreth orës 16:30 , në rrugën e Gjirit të Lalëzit, në fshatin Radë , E.Q.,37 vjeç, duke drejtuar automjetin e tij ka aksidentuar shtetasin këmbësorë S.D., 87 vjeç, i cili ka ndërruar jetë.
Drejtuesi i mjetit u shoqërua në Komisariatin e Policisë Durrës për veprime të mëtejshme.
Grupi Hetimor ndodhet në vendngjarje dhe po punon për përcaktimin e shkakut të aksidentit.
