Identifikohet autori i grabitjes së mbrëmshme në Durrës, i cili plagosi pronarin e një shtëpie ku kishte hyrë për të vjedhur.
Bëhet me dije se autori është Astrit Thaçi, 27 vjeç, banor i zonës së Plazhit në qytetin bregdetar të Durrësit. 27-vjeçari dyshohet të jetë edhe autori i grabitjes së pikës së kredidhënies, Kredo.al, ngjarje kjo e ndodhur tre ditë më parë.
Mbrëmjen e djeshme Astrit Thaçi hyri i armatosur në banesën e Rexhep Terziut rreth orës 20:30. Por i zoti i shtëpisë e ka diktuar grabitësin dhe është përpjekur ta ndalojë duke u përleshur me të. Në këtë moment 27-vjeçari ka nxjerrë pistoletën dhe ka qëlluar në këmbë Rexhep Terziun i cili u dërgua në spital jashtë rreziku për jetën.
