Një grup të rinjsh nga Kosova dhe Durrësi, zhvilluan këtë pasdite homazhe për 51 viktimat e tërmetit të 26 nëntorit.
Kurora me lule, flamuri kombëtar dhe qirinj që ndriçonin mbuluan shkallët e Pallatit të Kulturës në qytetin bregdetar.
Një vit pas tërmetit të 26 nëntorit, ende nuk ka drejtësi për jetët e humbura, pasi asnjë përgjegjës nuk është futur në burg.
Hetimet për pasojat e fakeqësisë nuk kanë përfunduar në pjesën me të madhe të prokurorive, ndërkohë që personat e dyshuar që u arrestuan fillimisht kanë lënë të lirë.
Përjashtim bën prokuroria e Durrësit, e cila ka dërguar në gjyq 16 persona ndërsa prokuroritë e tjera janë në vendnumëro.
Vetëm një ditë para përvjetorit të ngjarjes, Prokuroria e Krujës ka njoftuar se po heton dëmtimet e një shkolle, duke futur në dosje një dokumet e disa dëshmi.
Për shkak të tërmetit shkatërrimtar, mijëra banesa u shpallën të pabanueshme në Durrës, Tiranë, Fushë-Krujë, Laç dhe Lezhë. Edhe sot e kësaj, dite ka ende shumë familje që flejnë në çadra, pasi streja e tyre e re, ende nuk është ndërtuar.
