Sot është një ditë e ngjeshur për Presidentin e Republikës, Ilir Meta, i cili zhvillon konsultimet me krerët e partive politike, për datën e zgjedhjeve parlamentare.
Kreu i Partisë Bashkimi për të Drejtat e Njeriut, Vangjel Dule, ka zhvilluar një takim ‘kokë më kokë’ me presidentin Ilir Meta, lidhur me caktimin e datës së zgjedhjeve. Në fund të takimit, Dule tha për mediat se nuk ka një datë fikse, por PBDNJ propozon datën më të shpejtë të mundshme konform legjislacionit në fuqi për zhvillimin e zgjedhjeve parlamentare.
“Zhvillimet ekonomike dhe shoqërore kërkojnë zhvillimin e zgjedhjeve, me procedurën më të shpejtë. Zgjedhjet mbeten një sfidë ende e paarrirë në vendin tonë. Qëndrimi ynë është i qartë, propozojmë datën më të shpejtë të mundshme konform legjislacionit në fuqi”, tha Dule.
