Pas incidentit të së martës ku shumë banorë kërkuan që Fifi të largohej, duket se sot ajo ka marrë vendimin final. Fifi ka vendosur të largohet përfundimisht nga shtëpia e “Big Brother VIP”. Ajo ka bërë gati valixhet dhe është takuar me banorët, duke i dhënë kështu fund rrugëtimit të saj në shtëpinë më të famshme në Shqipëri. Fifi ka vendosur që të tërhiqet nga loja, dhe ta konsideroj eksperiencën e saj si një sfidë të mbyllur, e mbi të gjitha t’i përkushtohet shëndetit të saj psikologjik.
“Dua t’ju informoj se unë duhet të lë sot shtëpinë. Kjo eksperiencë nuk po më bën mirë dhe për këtë duhet të merrem pak me veten. Duhet të kujdesem për veten dhe nuk mund të vazhdoj më. Nuk po marr dot frymë këtu brenda”, tha ajo.
Menjëherë pas këtij lajmi, banorët e përlotur nisën të përshendeten me këngëtaren. “Jam banore shumë e fortë, ta dini që po jua bëj lojën më të lehtë meqë po iki”, shtoi Fifi duke u larguar.
