Kryeministri Edi Rama iu bashkua për pak çaste lojtarëve të Shqipërisë në fushën e ”Air Albania Stadium”. Të cilët do të përballen nesër me Kombëtaren e Francës.
Rama ndau me futbollistët këshilla dhe batuta. Ku iu kërkoi që në sfidën e nesërme të jenë më të kujdesshëm në minutat shtesë.
“Këtu në këtë fushë nuk ka rëndësi rezultati, s’ka rëndësi kush fiton. Këtu duhet të jepni jetën. Njerëzit duhet të mësohen se do të shohin lojtarë që japin jetën. Rëndësi ka që të jeni 90 minuta zjarr. Dhe sidomos ato minutat shtesë, aman. Se aty është tmerri. Kur vjen ajo shtesa kur do bëhet goli, i të tjerëve kuptohet”, tha Rama.
Ndërkohë, kapiteni Elseid Hysaj iu drejtua kryeministrit me batutë se “ka marrë pak nga Juventusi për ta bërë stadiumin”. Por, Rama iu përgjigj duke i thënë se ”Air Albania Stadium” i Tiranës është më i bukur se Allianz Stadium i Torinos.
Surpriza nga Shqipëria në sfidën ndaj Francës? Hysaj mesazh tifozëve kuqezi
