Ish-kryeministri Sali Berisha ka mbledhur sot në një takim në selinë e Partisë Demokratike kryetarët e zgjedhur të degëve. Që në krye të fjalimit, ai tha se kjo mbledhje është për të përcaktuar të gjithë qëndrimet, aktivitetin që do ndërmarrin për të shndërruar PD-në, në një forcë politike në veprim. Kryetari i PD-së u shpreh se njerëzit presin drejtim nga selia blu. Ai nënvizoi se përgjegjësia e përfaqësuesve të PD-së është të dalin sa më shpejt nga ajo që ai e quan “apati e trashëguar”.
“Do përcaktojmë sot të gjithë qëndrimet, aktivitetin që ne do ndërmarrin për të shndërruar forcën tonë politike një forcë politike në veprim.
Për momentin, PD-ja ka dy armiq, njëri është apatia e trashëguar, e induktuar në 8 vite nga qëndrimet e papërgjegjshme të udhëheqjes së saj.
Nga pazaret e pandershme, dhe të turpshme të udhëheqjes së saj. Nga flirtet, e padenja me pushtetin e Edi Ramës.
Aktualisht njëri nga mbështetësit kryesorë të Bashizmit, ish-kryetari i Mallakastrës është njëkohësisht fituesi i 97 tenderave nga qeveria lokale dhe vendore.
Ndaj bilbilon Enkelejdi siç thotë Rama, për të mos thënë probleme të tjera madhore të bëra të qarta tani publikisht të Bashës e të ndonjë tjetri. Përgjegjësia jonë është të dalim sa më shpejt nga kjo gjendje”.
