Ish-ministri i Drejtësisë, Ylli Manjani, është treguar mjaft i drejtpërdrejtë, duke hedhur akuza mbi qeverinë. Ai thotë se partia kontrollon çdo gjë, dhe se modeli politik i Rilindjes është monizmi.
Ai po kështu sqaron në Facebook pse është i këtij mendimi. Për të, monizmi është arsyeja për dhunimin e lirive themelore të çdokujt. Në monizëm nuk lejohet të kesh privatësi, të mendosh e të flasësh, të kesh pronë.
Pra, e folura është veçanërisht krim i rëndë. Në monizëm nuk ka debat politik, parlament mbi qeverinë, drejtësi e shtet mbi pushtetin.
Ndodhur në këto kushte, ai jep sugjerimet e radhës. Manjani i drejtohet opozitës, që të godasë monizmin si filozofi dhe model politik. Në këtë analizë, ai nënvizon se opozita e sotme ka një shans të madh. Atë të ndërtimit të një sistemi të ri politik. Një sistem që bazohet te demokracia, barazia dhe liria, jo më tek partia.
