Kryetarja e LSI-së, Monika Kryemadhi teksa ishte e ftuar këtë mbrëmje në emisionin “Tempora” u shpreh se nuk kishte frikë për një arrestim të mundshëm të presidentit Meta, ndërsa deklaroi se Rama bashkë me disa ‘antishqiptarë’ të tjerë kanë 15 vite që kërkojnë të arrestojnë Metën.
“Fare. Ka 15 vjet që do ta arrestojë Rama dhe disa të tjerë antishqiptarë. Sigurisht që nuk më takon të flas, por jam e detyruar ta them. Ka 15 vite që grupe të vogla antishqiptare, që kur Meta ka filluar betejën e tij për njohjen e Kosovës nga institucionet ndërkombëtare, që në kohën e luftës së Kosovës, duan ta arrestojnë.
Ilir Meta prej vitesh ka qenë në shënjestrën e grupeve të caktuara antishqiptare që janë servirur si grupe të caktuara liberale, ose europaine, apo amerikane që prej vitesh kanë zhbiriluar në çdo gjë.
Të jeni të bindur që Metës i kanë bërë vetting jo vetëm të vetes, por edhe të familjarëve, të së ëmës, të atit, motrës dhe njerëzve tanë deri në 7 breza. Ilir Meta është i pastër si kristali. Nëse do kishte një qime floku me të cilën mund të kërcënohej Meta, do ta kishte mbaruar këtë histori Fatos Nano kur ishte kryeministër”, deklaroi Kryemadhi.
