Në ditën e 15-të të grevës së urisë, naftëtarët kanë marshuar drejt qytetit të Ballshit.
Me pankarta në duar, dhe thirrjet “Duam jetë me dinjitet”, ata kërkojnë marrjen e pagave të prapambetura nga kompania e naftës.
Gjithashut, kërkojnë dhe rikthimin e tyre në punë me kontrata individuale.
Protestës së tyre u janë bashkuar edhe qytetarë të zakonshëm.
Qeveria është shfaqur indiferente ndaj problemit të tyre duke e shpallur një problem të brendshëm të kompanisë.
Naftëtarët kanë deklaruar se nuk do të reshtin së protestuari për të drejtat e tyre duke përshkallëzuar protestat e tyre.
