2020 duket të jetë me të vërtetë viti i Dua Lipës, e cila vijon të thyejë rekorde.
Pasi lançoi projektin “Dont’t start now”, që u pasua nga albumi i saj “Future Nostalgia”, 24-vjeçarja tashmë ka thyer një tjetër rekord në Spotify.
“IDGAF”, kënga e fundit nga albumi i saj debutues ka tejkaluar shifrën e 1 miliard klikimeve në Spotify.
Tani, Dua Lipa ka 3 këngë me mbi 1 miliard klikime: “New Rules”, “One Kiss” dhe “IDGAF”.
Këngëtarja ka shpërndarë lajmin në rrjetet sociale, ku bën me dije suksesin e madh.
Kështu, ajo bëhet e vetmja artiste femër që arrin e vetme 3 këngë me nga 1 miliard klikime.
Jo shumë kohë më parë, Halsey arriti të njëjtin rekord, por 2 nga këto këngë janë duete: “Closer”, me DJ The Chainsmokers, “Eastside”, me Benny Blanco dhe Khalid, dhe “Without me”, shkruan “iconstyle.al”.
