Droni ka vëzhguar drejtuesit e mjeteve në rrugët e Tiranës, që nuk lejojnë këmbësorët të kalojnë te vijat e bardha. Në videon e shpërndarë në faqen e Facebook-ut të Policisë së Shtetit, duket momenti kur automjetet injorojnë vijat e bardha. Policia thekson se po monitorohen lëvizjet e mjeteve që nuk respektojnë këmbësorët në vijat e bardha, gjë që ndëshkohet me gjobë.
“Tiranë
Një ndër objektivat e “*Dronit edukues*” është rritja e sigurisë rrugore nëpërmjet kontrollit të sjelljes së përdoruesve të rrugës, në respektimin e rregullave të qarkullimit rrugor.
Drejtuesit e mjeteve që shfaqen në këtë video nuk respektojnë përparësinë e këmbësorëve në vizat e bardha, shkelje e cila ndëshkohet me masë administrative, sipas nenit 189 të Kodit Rrugor.
Ec i sigurtë, respekto rregullat e qarkullimit rrugor!”.
