Jemi vetëm tre ditë para protestës së opozitës, por kjo e fundit duket se nuk ka ndërmend të qëndrojë duarkryq.
Vetëm pak minuta më parë, Partia Demokratike ka ngritur një dron me banderolë para Kuvendit, duke i dhënë një mesazh qeverisë, por edhe deputetëve të rinj që morën mandatin, këta të fundit cilësuar si “tradhtarë”.
Në banderolën që mbahej në dron shkruhej “Parlamenti i krimit”, i cili ka qëndruar për pak minuta në oborrin e Kuvendit e më pas është larguar.
Ndërkohë, parlamenti vijon të jetë i rrethuar me gardh hekuri dhe me forca të shumta policie.
