Një aksion i policës së Podgoricës ka vënë në pranga 11 trafikantë droge. Koka e trafikut të drogës Ndue Pepaj nga Kopliku është arrestuar në qytetin e Podgoricës në Malin e Zi.
Pepaj së bashku me 10 persona të tjerë janë të përshirë në trafikun ndërkombëtar të lëndëve narkotike. Mësohet se gjatë harkut kohor të një viti grupit të cilit udhëhiqej nga Pepaj i janë sekuestruar 982 kg lëndë narkotike kanabis dhe 1 .2 kg heroinë.
Arrestimi i tyre ka ardhur në saj të operacioneve të koduara nga Policia e Malit të Zi, “Trik” ose “Mashtrimi”.
“Në prangat e policisë malazeze në Podgoricë të sektorit anti-narkotike ka rënë shtetasi Ndue Pepaj 27 vjeç shtetas shqiptar dhe banues në Malësi të Madhe pronar i një lokali në zonën e Bajzës”.
Ai akuzohet nga Prokuroria në bazë të hetimit se ka qenë kreu i grupit kriminal të strukturuar të cilët nga Shqipëria kanë trafikuar lëndën narkotike në Mal të Zi dhe e kanë shpërndarë atë nëpër vende të ndryshme.
8 persona të tjerë janë arrestuar që nga fillimi i këtij aksioni policor një vit më parë. Ndërsa ditën e diel dhe të hënë në Podgoricë në pranga kanë rënë Ndue Pepaj 27 vjeç me shtetësi shqiptare banues në Malësi të Madhe dhe shtetasit Gjon Junçaj, Vasel Junçaj dhe Violeta Junça, te tre këta shqiptar nga Tuzi i Malit të Zi.
Ndërsa janë kryer edhe kontrolle në disa banesa ku dyshohet se janë përdorur nga ky grup kriminal si dhe janë sekuestruar tre automjete si dhe një armë zjarri automatik e cila ka qenë e groposur në bahçen e një shtëpie në lagjen Konik të Podgoricës ndërsa do i nënshtrohet akt ekspertizës, pasi dyshohet se mund te jetë përdorur kryerjen e vrasjeve në Mal të Zi.
Ndaj shtetasit Ndue Pepaj prokuroria e Malit të Zi ka ngritur akuzën për krijim të grupit të strukturuar kriminal dhe trafikim ndërkombëtar të lendeve narkotike.
