Ish-zv/ministrja e Brendshme, Rovena Voda, ra pre e SPAK-ut pas përgjimeve të nisura në 2019 ndaj një grupi trafikantësh. Sipas SPAK-ut, Rovena Voda dyshohet se ushtroi ndikim të paligjshëm tek funksionarët e tjerë, me qëllim punësimin për arsye përfitimi të Florida Beut, gjithashtu nën “arrest shtëpiak” së bashku me Majlinda Hasanin.
Voda në cilësinë e ish-zëvendësministres në Ministrinë e Brendshme, ka marrë para dhe të mira materiale të padrejta nga dy gra, Majlinda Hasani dhe Florida Beu, për punësimin e kësaj të fundit në shërbimin civil, në kategorinë ekzekutive në Ministrinë e Brendshme. Majlinda Hasani, avokate nga Durrësi, ka luajtur rolin e ndërmjetëses për marrjen e ryshfetit, ndërsa SPAK vijon ende hetimet për këtë rast.
Duke iu referuar përgjimeve të SPAK, më 13 shkurt 2020, Florida Beu dhe Rovena Voda zhvilluan një takim ku avokatja i kërkoi Vodës që ta favorizonte atë për t’u punësuar në Ministrinë e Brendshme. Nga përgjimet e SPAK, zbulohet se Voda ka pranuar nga avokatja Florida Beu 1 mijë euro, një telefon dhe një arkë me peshk për punësimin e saj në Ministrinë e Brendshme, por që në fund procedura mbeti në mes.
Përgjimet nuk përfundojnë me kaq. Në dosje, në një nga fragmentet e përgjuara nga SPAK, Florida Beu bisedon me të ëmën e saj, ku i thotë se do ti japë para Rovena Vodës. Emri i saj doli nga përgjimet që SPAK kishte nisur për prokurorin e Kukësit, Edmond Karriqi, i cili u arrestua në Kavajë pak ditë më parë, nën akuzën e korrupsionit.
Pjesë nga përgjimet:
Florida Beu: Me lekët që do më japë Genti, dua t’i jap ndonjë gjë asaj Rovenës që ta ndjejë pak si detyrim…
E ëma: Aman, ishalla o Zot, dritë iu bëftë edhe asaj.
Florida Beu: Të dalim për darkë a kushedi…
Ndërkohë që në një tjetër pasazh të përgjimeve të SPAK-ut, Florida Beu pretendon se zv.ministrja i ka kërkuar që telefoni që do ti japë të mos jetë i markës “Iphone”.
