E shtunë, 31 Korrik, 2021
31.5 C
Tirana

“Leku e hedh ujin përpjetë”/Peshk për 1 vend pune, avokatja përfundon në spital

Në kohën kur pritet që Gjykata e Posaçme të caktojë masat e sigurisë për ish-zv.ministren e Brendshme, Rovena Voda dhe dy avokatet Florida Beu dhe Majlinda Hasani, një incident ka ndodhur në seancë. Florida Beu është ndjerë keq gjatë seancës, dhe një ambulancë e ka transportuar në spital. Kjo e fundit akuzohet se i ka dhënë ish-zv/ministres 1 mijë euro cash, 1 telefon dhe 1 arkë me peshk.

Nga përgjimet e SPAK-ut doli se Rovena Voda ka pranuar nga avokatja Florida Beu 2 mijë euro, një telefon dhe një arkë me peshk për punësimin e kësaj të fundit në Ministrinë e Brendshme.

Marrja e eurove dhe të mirave materiale janë filmuar, përgjuar dhe fotografuar nga SPAK, ndërsa ato janë përvetësuar në momente të ndryshme dhe jo të gjitha njëherësh.

Florida Beu është një avokate dhe biznesmene në Durrës, e cila prej 2019 menaxhon së bashku me vëllain e saj, një kompani peshkimi.

Mendohet se arka me peshk të freskët deti, është dhënë tek zv/ministrja e Brendshme Rovena Voda, pikërisht në ambientet e brendshme të portit të Durrësit.

Ish zv/Ministrja e Brendshme, Rovena Voda, do të përballet me provat e prokurorisë dhe do të japë parashtrimet e saj në lidhje me atë ç’ka disponon Prokuroria e Posaçme në dosjen hetimore, për veprën penale të ngritur ndaj saj, “ushtrim ndikimi i paligjshëm”.

Sipas SPAK, në cilësinë e zv/ministres së Brendshme, Voda ka pranuar dhe ka marrë para dhe përfitime të tjera materiale të padrejta nga Majlinda Hasani dhe Florida Beu, të cilat po ashtu ndodhen në masën e “arrestit në shtëpi”.

Peshk dhe celular për një vend pune

Duke iu referuar përgjimeve të SPAK, më 13 shkurt 2020 avokatja Florida Beu dhe Rovena Voda zhvilluan një takim. Beu i kërkoi Vodës që ta favorizonte atë, për t’u punësuar në Ministrinë e Brendshme. “Nuk të bëjë dot shefe, por mund të të fus specialiste diku”, mësohet t’i ketë thënë Voda. Më pas ajo ka telefonuar dikë në Departamentin e Administratës Publike, duke i thënë se do e rregulloj specialiste.

Më tej në lojë është futur avokatja nga Durrësi, Majlinda Hasani, e cila ka folur me Floridën dhe sipas SPAK-ut, Beu i kanë dhënë shumën prej 1 mijë eurosh të futur në një zarf dhe 1 mijë euro të tjera më pas. Pas këtij momenti, Florida i thotë Majlindës se i ka ngelur mendja se mos duheshin më shumë para, për t’i siguruar një vend të mirë pune.

Nga përgjimet e SPAK-ut, dëgjohet se pas këtij momenti Majlinda të ketë thënë “se leku e hedh ujin përpjetë”, dhe se “tani Rovena na përgjigjet menjëherë”.

Takimi i tretë është filmuar dhe është zhvilluar në Portin e Durrësit, ku ka marrë si dhuratë edhe një arkë me peshk. Sipas SPAK, Rovena ka marrë dhe një aparat telefon.

- Reklama -

Më shumë nga kategoria




Të fundit

Si duket Serbia…

Nga Emin Azemi Serbia e Edi Ramës kufizohet direkt me Shqipërinë (!) Kjo Serbi, Kosovën e konsideron pjesë të saj dhe, për rrjedhojë, Edi Rama...

45 raste të reja në 24 orët e fundit, asnjë viktimë

Në përditësimin e radhës nga Ministria e Shëndetësisë, vihet re një rritje e rasteve të infektimeve në 24 orët e fundit. Fatmirësisht nuk ka...

Përjashtohen nga Olimpiada dy atletë që shkelën rregullat kundër COV*D-19

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...

Vrasja e kushëririt/Autori: Unë kam qëlluar, të lirohet nipi dhe vëllai

Në njoftimin zyrtar nga policia u tha se shtetasi Kastriot Hasalla u vetëdorëzua, për vrasjen e Romeo Hasalla, 30-vjeç, dy ditë më parë. Po...

“Vëllezërit rrahin drejtorin e Kadastrës”, Lame zbulon vendimin për pronat

Kreu i Kadastrës, Artan Lame, ka reaguar ndaj një lajmi ku thuhej se drejtori i Kadastrës së Elbasanit është dhunuar. Marrë shkas nga ky...