700 mijë qytetarë shqiptarë rrezikojnë të mos votojnë në zgjedhjet parlamentare të 25 prillit, pasi u ka skaduar karta e identitetit dhe ende nuk kanë nisur procedurat për rinovimin e tyre.
Lajmi u bë i ditur nga drejtori i përgjithshëm i Gjendjes Civile, Bledar Doracaj.
Deklaratën, Doracaj e bëri gjatë një inspektimi të kryer në zyrat e aplikimit për dokumente biometrike në qytetin e Korçës.
“Është një numër i lartë, ishte pak më i lartë para disa javësh, vjen në ulje. Por ende nuk jemi aty ku duhet të jemi. Është një numër që me një përllogaritje të përafërt që ne kemi bërë, diku te 700 mijë shtetas”, tha Doracaj.
Për shqiptarët që jetojnë jashtë vendit. ai u shpreh se qeveria shqiptare ka nisur ndërtimin e një database ku qytetarët do të vetëdeklarohen.
