Shefja e Survejancës dhe Shërbimit të Inteligjencës Epidemike në ISHP, Eugena Tomini, ka komentuar deklaratën e ministres Manastirliu, për përzgjedhjen e pacientëve që do të trajtohen.
Tomini tha se nuk do t’ia uronte askujt. Në një lidhje për emisionin “Wake Up”, Eugena Tomini konfirmoi se aktualisht nuk janë ezauruar kapacitetet, duke mos menduar për momentin për skenarët ekstrem.
“Skenarët ekstrem, asnjë sistem shëndetësorë nuk do kishte dëshirën. Por ne shpresojmë që në skenarin ekstrem, në përzgjedhjen e njerëzve nuk do t’ia uroja askujt.
Unë flas për momentin aktual, ku nuk i kemi ezauruar kapacitetet, nuk do ia uroja asnjë shteti, asnjë sistemi shëndetësorë të arrinte të përzgjidhte rastet. Askush nuk ka të drejtë të veprojë mbi jetën e dikujt tjetër”, u shpreh Tomini.
