Nëse do të ketë një fluks të shtuar të të infektuarve, nuk përjashtohet që Shqipëria të izolohet pjesërisht. Këtë e ka konfirmuar shefja e Infektivit, Najada Çobo. Në emisionin ‘Opinion’, ajo tha se nëse shifrat vijojnë që të jenë alarmante, rrezikojmë një mbyllje të pjesshme të vendit tonë. Po kështu do të vlerësohet nga autoritetet, për një mbyllje të zonave që janë më të rrezikuara.
“Shpresoj që jo, por nëse shifrat vijojnë që të jenë alarmante, rrezikojmë një mbyllje të pjesshme të Shqipërisë.
Mund të ketë një mbyllje të zonave që të janë më të rrezikuara. Besoj dhe pjesa e lokaleve do ketë ndonjë veprim të dytë nga qeveria. Nuk është çështja e kontrollit, se çështja e maskave dhe distancimi fizik, edhe në vende të tjera që kanë shtim rastesh shikon njerëz që mbajnë maska, ndërsa në Tiranë nuk e mbajnë”, tha ajo.
