Drejt shpërndarjes përfundimtare dy grupet e studentëve protestues të pozicionuar te Zogu i Zi dhe ministria e Arsimit. Edhe pse një pjesë e studentëve këmbëngulën për të qëndruar gjithë natën, duket në fund është vendosur për shpërndarje me qëllim që protesta të rifillojë të nesërmen.
Te Zogu i Zi një pakicë studentësh kanë vendosur të qëndrojnë deri në orën 22:00, porse masa e tyre sa po vjen e po zvogëlohet. E njëjta situatë vihet re te ministria e Arsimit, ku studentët përbëjnë një numër edhe më të pakët se 100 vetë.
Me një ndryshim nga ditët e shkuara, protesta e nesërme pritet të nisë të paktën pranë ministrisë së Arsimit dhe me bllokimin sërish të rrethrrotullimit të Zogut të Zi. TIRANA TODAY
