Publikohen sërish audio të reja për dosjen “Habilaj-Tahiri”. Moisi Habilaj dhe Sabaudin Çelaj, të përgjuar nga autoritetet italiane flasin për mënyrën e ndarjes së parave të fituara nga ngarkesa e çuar në destinacion për të gjithë të përfshirët. Në audion e botuar nga Politiko.al, të dy flasin për një takim me dikë (duket si italian, por emri nuk del i qartë) dhe për frikën e një personi tjetër, i cili nuk identifikohet.
Frika shfaqet edhe te të dy bashkëbiseduesit, dhe Moisiu e pranon kur thotë: ‘po filloi të punojë ai nuk do ngelet mi përjashta’. Biseda vazhdon e paqartë, por ‘personi misterioz’, sipas të gjitha gjasave është ‘dikush lart në qeveri’. Me sa duket mbi Saimir Tahirin.
Biseda e zbardhur:
Moisiu: që do dalim diku do dalim
Sabi: Janë i çikë të shtrenjta ë?
Moisiu: Këtu në Itali kur bën skontrino (ulje) dhe të humbet, vete bën denoncim në polici dhe ta japin pa lek. E merr në dyqan me garancimin e karabinierisë, të financës së policisë, dhe ta japin pa lek.
…(i tregon diçka)
Sabi: Sa, 20 mijë lekë (euro) të vanë të gjitha?
Moisiu: 20 mijë lekë (euro)!
….ofshan…T’u japim nga 2 mijë lekë këtyre njerëzve për Vit të ri?
Sabi: Varu k…atyre…!
Moisiu: Mbajmë nga një 5 mijë lekëshe për vete për Vit të ri.
Sabi: T’u japim nga 2 mijë lekë njerëzve dhe të mbajmë nga një 500 për vete?
Moisiu: Nga një 5 mijëshe për vete…
Sabi: T’i lëmë një 500 edhe këtij …..(emri nuk kuptohet qartë) të mutit.
…..(pauzë. muzikë.)
Sabi: Se për të ardhur këtu kanë ata, po s’do kenë për Vit të ri.
Moisiu: T’i lëmë 500 lekë ne dhe ta lëmë të vijë në Shqipëri më datën 27.
…Më datë 27 takojmë njerëzit ne, të marrë përgjigjen.
Moisiu: Oo ta bëjmë këtë punë. Ne po të kemi lekë e bëjmë punën, a të qivja, nuk jemi shurra.
…(flasin për drejtimin që do marrin me makinë).
Moisiu: A ç’kishte një Rolex të mirë ai ia q…motrën!
Sabi: E
Moisiu: Ai i dyqanit. Nja 6 mijë euro. Do ia marr herën tjetër me kismet. Do ia marr për vete ta mbaj për vete.
…A i kam q…. motrën, po bëjmë një…Ik ore, vari k…. Ik ore, se ato nuk mbarojnë kurrë. Ku mbarojnë, a të qivja!
Sabi: Ik ore, se mbarojnë.
…(muzikë. pauzë. sharje).
Sabi: Të heqim ndonjë gjë ta ndajmë?
Moisiu: Ça do heqim? 90 janë gjithë ato. 60 ia dhamë atij.
…do nxjerrësh ndonjë gjë t’ja çojmë atij. Mo na ngelet gjë. Na ngelen 30.
…edhe 10 këtu, 40.
Sabi: Shëndetin o c’i q.. motrën, po për të marrë të kemi.
Moisiu: Po lëre o, vari k….!
Sabi: I the që do takojmë ….? (një emër që nuk kuptohet, ndoshta italian).
Moisiu: I thashë.
Sabi: Lëre tha…?
Moisiu: Lëre, mos i bëj gjë se kam frikë, tha.
Sabi: Ashtu tha?
Moisiu: Për Zotin kështu më tha!
Sabi: Kam frikë, tha?
Moisiu: Po filloi të punojë ai, asnjë mi nuk do ngelet përjashta.
Sabi: Epo është problemi po filloi kjo normal nuk ta lënë të punojmë.
Moisiu: Po s’e ngacmove tha, se ia thashë dhe Kedës (emër i paqartë), po s’e ngacmove nuk të luan ai. Rrugët ngado që vete ai i ka të mbyllura. Sikur ç’ar dëmi do të bëjë.
…(dialog i paqartë, por me sa dëgjohet Moisiu shpreh admirimin për dyqanin e bizhuterive ku bleu diamantet për nënën dhe nusen e Tahirit).
Sabi: Ne për vete na duhen nga këto të hajdutëve. Unë dua një varëse të mirë, një byzylyk, një orë. Do i gje nga këto të hajdutëve kështu (audion dëgjoje këtu).
Më datën tre janar është publikuar një audio përgjim i dosjes “Tahiri-Habilaj”. Në materialin audio flitet gjerësisht për makinën e Saimir Tahirit, ministër i Brendshëm në atë kohë, që ‘ndërroi duar’ duke iu kaluar Habilajve. Në disa raste bashkëbiseduesit i referohen Saimirit si ‘ai kushëriri ynë’. Materiali është i veçantë për nga dialogët unike dhe të lejon një pamje të mirë të prapaskenave të grupeve shqiptare të trafikut të drogës dhe lidhjeve të tyre me njerëz me pushtet(laimin e plotë lexoje këtu)
Në muajin tetor të vitit 2017-të në Prokurorinë e Krimeve të Rënda u dorëzua një fashikull me 380 faqe i përbërë nga fakte mbi përfshirjen e zyrtarëve të lartë të policisë së Shtetit mbi trafikun e drogës midis Shqipërisë dhe Italisë. Ndërkohë në total, dosja voluminoze është mbi 1500 faqe, me përgjime dhe prova të ardhura nga hetimi që ka zhvilluar për katër vite me radhë nga Prokuroria e Katanias në Siçili.
Në këtë mënyrë, pala italiane i përgjigjur kërkesës për ndihmë juridike mbi procesin që ka nisur në vendin tonë, ku i akuzuari kryesor është ish-ministri i Brendshëm.
Kjo është dosja e dytë pas asaj të dërguara pak ditë më parë me 416 faqe ku përmendej emri i Tahirit nga vëllezërit Habilaj për shuma në miliona euro që ish-ministri përfitonte në këtë aktivitet të trafikut të drogës midis Shqipërisë dhe Italisë.
Dosja e Moisi Habilajt by Tirana Today on Scribd
