Publikohen sërish audio të reja për dosjen “Habilaj-Tahiri”. Moisi Habilaj dhe Sabaudin Çelaj, të përgjuar nga autoritetet italiane në makinën e tyre gjatë një udhëtimi, në një pjesë të bisedës flasin edhe për shumat që sipas tyre mund të bëjë mbrojtësi i tyre në qeveri, Saimir Tahiri. Në audion e botuar nga Politiko.al, Moisi Habilaj pretendon se në një muaj ai bën të paktën 5 milion euro. Habilaj dhe Çelaj prekin edhe temën e fushatës elektorale.
Moisiu: A të isha një muaj në vend të atij, a i zi…Një muaj.
…Sabi qesh
Sabi: Pse, ça ka më shumë ai, a të qivja. Pse ça ka më shumë ai? Ça ka bërë më shumë ai? Ja emrin ka, se lekë nuk besoj të ketë më shumë.
Moisiu: Te bukë e gojës do jetë, a të qivja…!
Sabi: Te bukë e gojës ai…lëre se ai për 6 muaj vete në Hënë.
…Moisiu: Ai, jo për 6 muaj, se nuk e di se çfarë mund të bëjë për 6 muaj: Ai për një muaj mund të ketë bërë…hiç hiç hiç…5 milion euro.
Sabi: Po ashtu i lë në fushatë ai, o Moisi!
Moisiu: Mirë, normale.
Sabi: Ashtu i lë ato lekë ai.
…Moisiu: Fushata, një herë në katër vjet është, Sabi…Ai nuk lë 20 milion euro në fushatë.
Kjo pjesë e bisedës ka elementë të njohur nga transkriptimi i bisedës së zbardhur nga Prokuroria italiane, e cila është publikuar në mediat shqiptare, (audion dëgjoje këtu)
Më datën tre janar është publikuar një audio përgjim i dosjes “Tahiri-Habilaj”. Në materialin audio flitet gjerësisht për makinën e Saimir Tahirit, ministër i Brendshëm në atë kohë, që ‘ndërroi duar’ duke iu kaluar Habilajve. Në disa raste bashkëbiseduesit i referohen Saimirit si ‘ai kushëriri ynë’. Materiali është i veçantë për nga dialogët unike dhe të lejon një pamje të mirë të prapaskenave të grupeve shqiptare të trafikut të drogës dhe lidhjeve të tyre me njerëz me pushtet(laimin e plotë lexoje këtu)
Në muajin tetor të vitit 2017-të në Prokurorinë e Krimeve të Rënda u dorëzua një fashikull me 380 faqe i përbërë nga fakte mbi përfshirjen e zyrtarëve të lartë të policisë së Shtetit mbi trafikun e drogës midis Shqipërisë dhe Italisë. Ndërkohë në total, dosja voluminoze është mbi 1500 faqe, me përgjime dhe prova të ardhura nga hetimi që ka zhvilluar për katër vite me radhë nga Prokuroria e Katanias në Siçili.
Në këtë mënyrë, pala italiane i përgjigjur kërkesës për ndihmë juridike mbi procesin që ka nisur në vendin tonë, ku i akuzuari kryesor është ish-ministri i Brendshëm.
Kjo është dosja e dytë pas asaj të dërguara pak ditë më parë me 416 faqe ku përmendej emri i Tahirit nga vëllezërit Habilaj për shuma në miliona euro që ish-ministri përfitonte në këtë aktivitet të trafikut të drogës midis Shqipërisë dhe Italisë.
Dosja e Moisi Habilajt by Tirana Today on Scribd
