Kryeministri i Kosovës, Albin Kurti, ka nënshkruar një dokument, për shqyrtimin dhe miratimin në mbledhjen e ardhshme të Qeverisë për lirimin nga tarifa 100% për lëndën e parë që hyn në Kosovë nga Serbia dhe Bosnja e Hercegovina.
Sipas këtij vendimi që mban datën 20 mars 2020, vendimi pritet të hyjë në fuqi më 1 prill 2020. Në këtë formë, Ministria e Financave e Kosovës dhe Doganat detyrohen që ta zbatojnë vendimin.
Siç duket, Albin Kurti duket se është “dorëzuar” para presionit ndërkombëtar dhe të aleatit qeverisës LDK-së, duke propozuar heqjen e taksës 100% me Serbinë dhe Bosnje Hercegovinën.
Kurti kishte vendosur ta hiqte taksën nëse do të kishte reciprocitet, por ky vendim nuk u pëlqye nga aleati qeverisës Isa Mustafa dhe SHBA, të cilët kërkonin që heqja e taksës të ishte përfundimtare.
