Petrit Vasili doli para pak minutash në një konferencë për shtyp, ku dha dorëheqjen nga posti i kryetarit të Lëvizjes Socialiste për Integrim.
Por, shpesh dorëheqjet e politikanëve janë të urdhëruara nga persona me fuqi më të mëdha brenda partive, e duket se e tillë ishte edhe ajo e Petrit Vasilit.
Të paktën kështu dëshmojnë detajet gjatë fjalës së Vasilit para gazetarëve, kur dha lajmin e dorëheqjes.
Dridhja e duarve, dridhja e zërit dhe ngatërrimi i shpeshtë i fjalëve të japin përshtypjen se kemi të bëjmë më shumë me një dorëheqje të pavullnetshme, se sa të vullnetshme.
Një tjetër detaj i rëndësishëm është fakti që gjatë fjalës së tij, Vasili bëri propozimet përkatëse për drejtimin e LSI-së, por harroi të përmendte afatin për shpalljen e kandidaturave të tjera, duke përmendur vetëm faktin që konventa e LSI do të mblidhet të mërkurën për të bërë miratimin e këtyre propozimeve, të cilat duket se tashmë janë faktike.
Por, çfarë posti do marrë Vasili pas dorëheqjes? Ai tha se i ka propozuar kryesisë që të marrë pozicionin e kreut të ri të Grupit Parlamentar.
Megjithatë, duhet thënë se Vasili i dha një mësim të mirë Bashës, teksa është kërkuar shumë dorëheqja e këtij të fundit, ndërsa surpriza e dorëheqjes erdhi pikërisht nga kreu i LSI-së.
Siç thotë edhe populli, ndonjëherë të vjen andej nga s’e pret!/ Nga S.N – Tirana Today
Shihni videon e postuar nga faqja zyrtare e LSI, ku dallohen qartë emocionet e Vasilit:
https://www.facebook.com/levizjasocialisteperintegrim/videos/1620020048011247/
