Moderatorja e njohur Dojna Mema, ka ndarë me ndjekësit e saj një situatë për të cilën është revoltuar tej mase. Ajo është gjobitur për mosmbajtjen e maskës në rrugë.
Për këtë ka pranuar se ka faj, pasi nuk ishte treguar e kujdesshme. Por rebelimi vjen ndaj policisë, pasi nuk janë sjellë mirë me të. Ajo ka rrëfyer se ka bërë një distancë shumë të shkurtër në këmbë, dhe se kishte harruar të vendoste maskën e për këtë gjë ka marrë gjobë.
Dojna ka treguar se nuk ka kundërshtuar për gjobën, sepse ishte faji i saj, por është revoltuar me faktin se si policët janë sjellë me të.
“Parkova makinën tek rrugica e Salës, dhe piva një gotë verë me shoqen time dy lokale më poshtë. Që do të thotë nga makina që parkova tek lokali mund të jenë 3 metra distancë dhe për çështje shpejtësie, nuk mora maskën se do futesha në lokal. Dhe gjejni çfarë?
Mora një gjobë! Ok, ishte faji im se dhe për ato 3 metra duhej ta kisha maskën me vete, por a mundet ju lutem të tregoheni pak më të sjellshëm kur ndaloni njeëzit në rrugë. Në një formë totalisht harbute, dhe gati gati sikur kisha vjedhur diçka.
Ishte ndjesi shumë e shpifur, se më erdhi një ulërimë nga mbrapa nga 2 policë të veshur me uniformë dhe nga 1 burrë që nuk ishte veshur me uniformë dhe që më bërtiste dhe më thoshte se do më çonte në komisariat nëse nuk nxirrja në moment kartën time të identitetit, duke i thënë që makinën e kam 2 metra më poshtë dhe duke e hapur makinën me çelës, sepse arrinte deri aty.
E kuptoj që të gjithë ndodhemi në një situatë shumë të vështirë, shumë ezauruese dhe për forcat e policisë, por ju lutem të tregoheni më të sjellshëm, sepse është vërtetë shumë e rëndë nga ana psikologjike të ndalosh dikë në rrugë dhe t’i thuash do të fus në komisariat, përpos faktit që unë mora gjobën për të cilën nuk refuzova ta merrja. Apo refuzova ta paguaja në momentin që duhet ta paguaj. Thjesht pak më shumë njerëzillëk ju lutem!”, është shprehur Dojna.
