Kryeministri Edi Rama iu është përgjigjur qytetarëve sesi do të veprohet me dasmat gjatë kësaj kohe.
Përmes një komunikimi live në Facebook, Rama tha se nuk do të lejohet asnjë aktivitet me dyer të mbyllura, me më shumë sesa vetëm njerëzit e familjes.
Sipas tij, grumbullimet e mëdha do të bënin që çifti muajin e mjaltit ta kalonte në respirator pasi do të rrezikonte infektimin.
“Çfarë të bëjmë me dasmat? Asnjë aktivitet në mjedise të mbyllura me më shumë se njerëzit e familjes nuk lejohet, nuk udhëzohet, por nuk duhet të ketë as vizita dhe as dreka e darka dhe jo më të kërcasin dasmat. Për çfarë do të martohen njerëzit në këto dasma masive? Për të kaluar muajin e mjaltit me ventilator krah për krah njëri-tjetrit?”, tha ai.
Gjatë bashkëbisedimit me qytetarët kryeministri nuk ka kursyer batutat. Një qytetar i kërkoi që të hiqte Durrësin nga zona e kuqe, ndërsa Rama iu përgjigj: “Ore ti djalë, ore Toni, ushqe mendjen dhe rri brenda”.
