Rikthehet Bundesliga, por me rregulla të reja

Pas disa javësh pezullimi për shkak të koronavirusit, ditën e nesërme do të rikthehet Bundesliga.

Sipas mediave të huaja, kampionati gjerman do të rikthehet me rregulla të reja, për t’ju përshtatur situatës.

Federata e Futbollit të Gjermanisë (DFL) bën me dije se klubet e Bundesligës në sezonin e rinisur më 16 maj, do të mund të bëjnë 5 zëvendësime.

Ky rregull u aprovua nga Bordi i Shoqatës Ndërkombëtare të Futbollit (IFAB), me qëllimin për të ndihmuar futbollistët, duke qenë se ata do të përballen me një ritëm të lartë të ndeshjeve.

DFL gjithashtu rekomandon që dy zëvendësimet shtesë të kryhen në kohë të njëjtë, ndërsa është miratuar edhe vendimi që të ketë play-off dhe play-out.

Një ndryshim tjetër është se lojërat mund të zhvendosen në vende neutrale, gjithmonë nëse ka rritje të rasteve me COVID-19, në mënyrë që të mos rrezikohet shëndeti i qytetarëve.

Bundesliga rikthehet që në fillim me përballjen e zjarrtë Borussia Dortmund–Schalke 04, derbi i magjishëm i Ruhrit.