Presidenti i SHBA-ve, Donald Trump i ka dërguar një letër kryeministrit të Kosovës, Avdullah Hoti.
Lajmin e ka bërë të ditur vetë kreu i qeverisë së Kosovës, përmes një postimi në Facebook.
Trump e falenderon Hotin për punën e tij për paqe, stabilitet në Ballkan por dhe në botë.
Presidenti tha se do vazhdojë bashkëpunimin me Kosovën.
”I nderuar zoti Kryeministër,
Faleminderit për librin dhe që jeni bashkuar me Shtëpinë e Bardhë kohët e fundit,
Vlerësoj punën tuaj të mirë për ruajtjen e paqes dhe stabilitetit në Kosovë dhe Ballkan. Pres të vazhdoj bashkëpunimin e forrtë midis dy vendeve tona dhe ju uroj më të mirën ju, dhe popullit të Kosovës”, shkruan Trump në letër.
Ndërkohë, Hoti ka falënderuar presidentin amerikan për përkushtimin për paqe në Ballkanin Perëndimor.
“Faleminderit President Donald Trump për kujdesin dhe përkushtimin tuaj për paqe e siguri në Ballkanin Perëndimor dhe në botë. Të rrojë gjatë miqësia Kosovë– ShBA”, ka shkruar kryeministri i Kosovës.
https://www.facebook.com/avdullah.hoti/posts/3724099874318006
