Shumë bujë bëri largimi i moderatores Dojna Mema nga “Top Channel”. Pas një periudhe shkëputje, ajo më në fund ka shuar heshtjen. E ftuar në emisionin “Why Not” në Rtv Ora, Dojna foli për herë të parë mbi largimin e saj nga vendi ku punonte prej shumë vitesh. Dojna rrëfeu se në “Top Channel” ka filluar punë që në moshën 19-vjeçare. Sipas saj, në këtë fazë, “Top Channel” kishte një linjë editoriale që nuk përshtatej me gjërat që donte të bënte specifikisht.
“Për të gjithë njerëzit që më kanë ndjekur, e dinë që kam që 19 vjeç në Top Media. Ishte e vetmja shtëpi mediatike që unë kisha patur ndonjëherë, pra nuk vija nga ndonjë eksperiencë e mëparshme.
Unë kam bërë vetëm Top Channel, dhe ishte një vendim i vështirë të shkëputesha nga shtëpia ime e parë. Ishte një vendim i nevojshëm, në një kohë kur unë kërkoja të bëja gjëra të mijat.
Ka qenë një shkëputje shumë e butë dhe për këtë më vjen shumë mirë, ka qenë një shkëputje me respekt nga të dyja palët. Ishte një moment që unë kisha shumë nevojë të eksperimentoja me gjëra të reja.
Në këtë fazë, “Top Channel” kishte një linjë editoriale që nuk përshtatej me gjërat që unë doja të bëja specifikisht, kështu që ishte më mirë për të dyja palët që të merrnim një shkëputje nga njëri-tjetri”, tregon Dojna.
