Gjykata e Posaçme ia kalon për kompetencë Gjykatës së Tiranës që të shqyrtojë padinë për shpifje ndaj Spartak Brahos, i cili u kallëzua nga Komisioni i Rithemelimit për deklaratën që ka bërë në prag të tubimit të 8 janarit, pranë selisë së PD-së.
Në atë kohë, Braho paralajmëroi që të merren masa për sigurinë e zyrtarëve të PD-së, pasi pretendonte se kishte informacione që do të vritej një deputet demokrat.
Ish-deputeti socialist u padit lidhur me një deklaratë publike të tij, ku pretendonte se gjatë tubimit 8 janarit rrezikohej jeta e deputetit E. A.
Sipas GJKKO, Braho nuk ka pasur cilësitë e deputetit, ndaj padia duhet të shqyrtohet nga Gjykata e Tiranës.
