Është shtyrë sërish seanca gjyqësore ndaj ish-truprojës së ish-presidentit Sali Berisha, Izet Haxhia.
Shkak për këtë, është bërë mungesa e prokurorit të çështjes.
Në seancën e sotme, do të vendosej nëse do të pranonte listën e dëshmitarëve të kërkuar nga i akuzuari, ku mes tyre është edhe Sali Berisha.
Izet Haxhia ka kërkuar 18 dëshmitarë në gjykatë në dosjen e bujshme të vrasjes së Azem Hajdarit.
Haxhia është dënuar në mungesë me 25 vite burg për vrasjen e ish-deputetit Azem Hajdari.
Pas 17 vitesh mungese dhe azil në Turqi, Haxhia është ekstraduar në Shqipëri ku kërkuar rihapjen e dosjes, duke pretenduar për një proces gjyqësor të trukuar.
