Deputeti i opozitës së re, Ralf Gjoni, sot nuk është përmbajtur në Kuvend. Jo vetëm që ka ironizuar dhe tallur deputetët e PS-së, por ai është marrë edhe me kryetaren e LSI-së, Monika Kryemadhi.
Kjo e fundit, në një nga protestat së bashku me artistët për Teatrin, tha para mediave se do i hante veshin Ramës. Marrë spunto nga kjo deklaratë, ai tha se Rama është shumë i gjatë, e për rrjedhojë, Kryemadhi do ta ketë të pamundur.
“Si do ia hajë veshin ajo, se ai është shumë i gjatë. Në këmbë nuk ia ha dot, vetëm shtrirë në krevat mund t’ia hajë”, tha Ralf Gjoni.
Pak ditë më parë, Kryemadhi tha se do qëndronte në protestë, dhe se do të shkelte ligjet e Ramës.
“Unë do ta shkel ligjin e Edi Ramës. Do qëndroj këtu sa të kemi mundësi. Unë mendoj se ky është reagimi im i momentit. Nuk i njoh ligjet e Edi Ramës. Nuk e njoh as Edi Ramën as kush është me Edi Ramën. Është territori i Shqipërisë dhe jo i Serbisë. Vetëm një serb mund të prishë Teatrin Kombëtar”, u shpreh Kryemadhi.
“Unë do t’ia ha veshin Edi Ramës. Kaq po të them!” , tha ndër të tjera ajo.
