Kreu i Urgjencës Kombëtare, Skënder Brataj, është treguar mjaft i hapur, ndërsa ka rrëfyer se gjatë punës ë tij ka pasur plot të papritura. Në emisionin “Open”, ai tha se gjatë emergjencës COVID-19, ka patur edhe kërcënime me jetë. Në periudhën 13 deri në 15 mars, Brataj tregon se kanë qenë momente tejet të vështira, ku kanë patur një fluks telefonatash.
“‘Momentet më të vështira kanë qenë diku nga data 13-14-15 mars. Kemi pasur një numër të madh telefonatash në numrin 127. Koha mesatare e pritjes në telefonata në numrin 127 ka qenë 18 sekonda, por gjatë kësaj periudhe koha e pritjes shkoi 40-50 sekonda. Kam marrë kërcënime? Po kishte shumë. “Do të vras, më thuaj kush je”, ishin disa nga kërcënimet. Nuk jam kërcënuar vetëm unë, por edhe pjesa tjetër e personelit tek Urgjenca Kombëtare, që u morën me telefonatat në numrin 127″, tha Brataj.
