Ambasadorja e SHBA-ve, Yuri Kim ka reaguar për mediat në lidhje me konsultimet e kryera me anëtarët e Këshillit Politik për Reformën Zgjedhore.
Ambasadorja tha se ishte një ditë e gjatë por që pati një farë progresi. Ajo u shpreh se qëllimi i saj dhe ambasadorëve Duncan Norman dhe Luigi Soreca është që Shqipëria të përmbushë kushtet për anëtarësimin në BE.
Ndërkohë mësohet se Këshilli Politik do të vijojë takimet me ambasadorët edhe ditën e nesërme.
“Jam shoqëruar nga kolegët e mi ambasadorët Soreca dhe Norman. Të tre kaluam nëntë orë me anëtarët e Këshillit Politik. Ishte një ditë e gjatë dhe e vështirë, por progres është bërë. Kjo ka qenë e vështirë për të gjitha palët. Të gjithëve iu kërkuar që të japin, në mënyrë që Shqipëria të fitojë.
Shqipëria është në një fazë kritike të saj. Bashkimi Evropian gjithashtu ka vendosur një sërë kushtesh për anëtarësim. Mes tyre është reforma zgjedhore. Kështu, qëllimi ynë sot dhe nesër është që Shqipëria të mundë të përmbushi të gjitha rekomandimet.
Sikurse e kam thënë, ne duam që Shqipëria të jetë anëtare e BE. Kjo është dëshirë e SHBA-ve dhe e shqiptarëve”, tha ambasadorja.
Anëtarët e Këshillit Politik u mblodhën sot në orën 15:30 në rezidencën e ambasadores së SHBA-ve, Yuri Kim.
