Ruçi i ka tërhequr shpesh vëmendjen Kujtim Gjuzit në Kuvend. Gjatë fjalës së Ramës në Kuvend, deputeti i opozitës, Kujtim Gjuzi, ndërhyri disa herë nga vendi, madje nuk nguroi që të replikonte me kreun e qeverisë.
Kjo situatë ka bërë që kryeparlamentari Gramoz Ruçi t’i tërhiqte vëmendje Gjuzit, duke i hequr atij të drejtën e fjalës. Madje nuk e ka lënë me kaq, por e ka paralajmëruar Gjuzin se nëse nuk respektonte rregulloren e Kuvendit, do ta nxirrte atë nga salla.
“Ndërhyre tre herë z. Gjuzi. Po të heq të drejtën e fjalës. Herë tjetër mos ndërhy, se do të nxjerr jashtë”, tha Ruçi.
