Kryeparlamentari Gramoz Ruçi ka kritikuar institucionet shqiptare për mbrojtjen e fëmijëve gjatë takimit të radhës me “Grupin e Miqve të Fëmijëve”. Sipas tij, objektivat e caktuara më herët nuk janë plotësuar.
“Raporti zbulon se një nga dy masat e parashikuara nuk janë raportuar, ose janë shtyrë, ose nuk kanë nisur të zbatohen. Ka edhe mjaft tregues të tjerë shqetësues që flasin vetë dhe nuk ka nevojë as për fjalime dhe as për justifikime”, deklaroi Ruçi.
Po ashtu, ai zotohet se do të merret personalisht me mobilizimin e burimeve financiare për fëmijët.
“Unë do të monitoroj personalisht mobilizimin e këtyre burimeve financiare për sektorët dhe programet që lidhen gjatë gjithë fazave të diskutimit të buxhetit për vitin e ardhshëm. A duhet ne të rishikojmë kodin e familjes për të mbështetur më mirë zbatimin e ligjit për të drejtat dhe mbrojtjen e fëmijëve?”, shtoi Ruçi.
