Përfaqësuesi i mazhorancës në Këshillin Politik të Reformës Zgjedhore, Damian Gjiknuri, garantoi opozitën jashtë parlamentare se mazhoranca do të mbështesë kandidaturat për anëtarë të KQZ të propozuara prej saj. Gjiknuri tha për mediat se është e mundshme të gjendet kompromisi.
“Gjëja e parë është që PD po vjen tek skema brenda Kuvendit dhe e përshëndes. Skema nuk është e ngjashme me atë të drejtësisë.
Mendojmë që deputetët duhet të jenë të përfshirë në këtë proces. Skema e PS nuk ka funksionuar keq. Mazhoranca garanton dhe e them publikisht se do të kenë mbështetjen tonë.
Brenda skemës mund të ketë zgjidhje. Ne kërkuam që të mos përjashtojnë deputetët. Mendoj që është e mundshme të gjendet kompromis. Mbase japim dhe ne ndonjë ide. E rëndësishme është që opozita do të jetë e garantuar, që propozimet e tyre do të garantohen për votat e mazhorancës.
Organet do të kenë jetëgjatësi. Ndëryshe do të zgjidhen me short. Sa të gjejmë kompromis dhe do ta mbyllim marrëveshjen. Brenda pak ditësh, procesi do të përfundojë. Për teknologjinë? Do zbatojmë të njëjtën formulë si në vitin 2013. Kishte reflektim nga opozita. U bë qesharake për disa”.
