Pasi u njoh me masën e sigurisë në Gjykatën e Kujës, djali i deputetit të PS-së Rrahman Rraja, Rexhep Rraja, është shoqëruar me pranga në duar drejt paraburgimit në Durrës. Rreth orës 10:55 minuta djali i deputetit socialist të Fushë Krujës doli nga gjykata e Krujës i shoqëruar nga forcat e policisë hyri në furgon për tu transportuar drejt Durrësit.
Teksa po futej brenda në furgon Rexhep Rraja është shprehur për gazetarët se ishte i pafajshëm dhe kishte dhe një paralajmërim për kreun e PD-së Lulzim Basha.
“Jam i pafajshëm! Basha do ta shohë në zgjedhjet e ardhshme se kush është Rexhep Rraja”, mësohet të ketë thënë 24 vjeçari.
Gjykata e Krujës ka lënë në fuqi masën “arrest me burg”. Në seancën e ditës së sotme Rraja ka thënë se nuk ka ushtruar dhunë ndaj ish të dashurës, Xhisela Maloku.
Djali i deputeti të PS, u arrestua ditën e diel në afërsi të Rinasit dhe mbi të rëndon akuza e “Përndjekjes”.
I riu akuzohet për ushtrim dhune dhe përndjekje të ish-të dashurës së tij, 25-vjeçares Xhisiela Maloku. Kjo lëvizje e organit të akuzës erdhi menjëherë pas marrjes së akt ekspertimit mjeko-ligjor i cili vërtetoi pretendimet e vajzës të bëra në padinë e parë.
