Zv/ministrja e Shëndetësisë, Mira Racakolli, tha në një deklaratë për mediat se vendi ynë do të vijojë të njëjtat masa, ndalimi i ceremonive festive, mbledhjeve të partive. Nga ora 22:00 deri në orën 06:00. Gjatë deklaratës së Komitetit Teknik të Ekspertëve, zv.ministrja Rakacolli u pyet nëse do të ketë mbyllje në fundjavë, ajo zgjerimin e fashës-orarit të mbylljes në darkë. Ajo u shpreh se ky vendim do të merret vetëm në varësi të situatës.
“Nuk e kemi kërkuar në asnjë moment këtë mbyllje. Nuk kemi sugjeruar dhe as diskutuar këtë gjë. Nuk ka as lehtësime, dhe për momentin nuk ka asnjë sugjerim të tillë. Do shohim si do ecë situata”, u shpreh Rakacolli.
Shefja e Survejancës dhe Shërbimit të Inteligjencës Epidemike në ISHP, Eugena Tomini zbuloi se tri qarqet me numrin më të lartë të personave të infektuar më Covid-19 janë Tirana, Gjirokastra dhe Lezha.
“Sa i takon situatës epidemiologjike, ajo vijon që të jetë me intensitet të lartë nga 254-347 raste për 100 mijë banorë. Vetëm javën e fundit është vënë re një ulje e rasteve, në krahasim me një javë më herët. Qarku që mban peshën më të madhe të rasteve është Tirana, Gjirokastra dhe më pas Lezha, ka një transmetim të lartë komunitar.
Ky lloj intensiteti është për shkak të masave që janë deri diku të lehta, eliminimi i grumbullimeve ka sjellë një ulje të numrit të rasteve pozitive”, theksoi ajo.
