Në mars të vitit 2017, dy njerëz kryen 16 vjedhje si dhe ishin përpjekur për të kryer dy sulme ndaj banorëve që u përplasën me ta në zonat e Winterthur dhe Wiesendangen. Këto ngjarje kishin ndodhur për 8 ditë me radhë. Së bashku ata ‘pushtuan’ shtëpitë private dhe shtëpitë familjare, duke arritur të merrnin sende, vlera e të cilave arrinte 130,000 franga, raporton zueriost.ch.
Gjykata e Lartë e Cyrihut dënoi një nga dy të akuzuarit të hënën e kaluar me tre vjet burg. Ai është një 29-vjeçar shqiptar, i cili nuk ka qëndrim të përhershëm në Zvicër. Pas përfundimit të dënimit, ai ka marrë edhe një ekspuls, ku për 10 vjet i ndalohet hyrja në Zvicër. Gjykata Supreme ka mbështetur aktgjykimin, e lëshuar nga gjykata e rrethit Winterthur për shqiptarin. I akuzuari ka folur, por ka apeluar kundër aktgjykimit të gjykatës së rrethit.
“Më vjen keq për atë që kam bërë,” ka thënë 29-vjeçari të hënën në Gjykatën e Lartë. Më 8 mars 2017, ai mbërriti në Zvicër me një mik me tren nga Franca. Të dy burrat kanë thënë se ata kishin hyrë në Zvicër për të punuar. Por, me të hyrë në Zvicër ata kishin filluar që të grabisnin shtëpitë.
Mes datës 8 dhe 16 mars 2017, të dy me të rënë nata shkonin dhe grabisnin banesst. Ata hynin nga dyert, dritaret, ballkonet me pak fjalë ku të gjenin hapësirë.
29-vjeçari, i cili ka dalë para Gjykatës së Lartë, është arrestuar nga policia më 16 mars të vitit 2017, dhe që nga ajo kohë ai mbahej në paraburgim.
I dënuar më parë në Suedi: Sa i përket motivit të veprimit të tij, i pandehuri deklaroi se ai ishte në gjendje të keq ekonomike. “Ai ka kushte të këqija ekonomike, nuk ka punë dhe dëshiron të martohet së shpejti. Babai i tij, i cili punon si fermer në Shqipëri, është i sëmurë rëndë. Klienti im dëshironte të ndërtonte një jetë të re në një vend tjetër”, tha avokati mbrojtës i tij.
I akuzuari, megjithatë, nuk ka një të kaluar të pastër. Në vitin 2016, ai ishte dënuar me disa muaj në Suedi, pasi edhe atje kishte grabitur shtëpi dhe dyqane. Autoritetet suedeze ndaj tij kishin lëshuar një urdhër ndalimi për hyrjen në zonën Shengen, dhe atij nuk i lejohej që të hynte as në Zvicër. “Nuk kisha njohuri për këtë”, është shprehur shqiptari duke mbrojtur veten.
Me aktgjykimin e shkallës së parë, 29-vjeçari nuk është i kënaqur. Ai kërkoi zbutjen e dënimit dhe tha se është i penguar. “Do të dëshiroja të kërkoj falje për të gjitha familjet dhe të afërmit që janë lënduar. Unë po e vuaj këtë dënim në burg, dhe për këtë arsye kërkoj një dënim të pjesshëm”, tha ai.
“Afati i burgimit prej tre vjetësh nuk është aspak i lartë dhe dënimi me kusht është jashtë diskutimit këtu”. Në fund të fundit, me 16 vjedhjet që kishte kryer, ai gjithmonë u përball dhe u përplas me banorët.
“Çfarë do të kishte ndodhur në raste të tillë, ne nuk e dimë. Gjithçka do të ishte e mundur. Rrethanat personale nuk mund ë çonin deri në këtë pikë. Ju ka kohë që bën këto veprime, madje edhe në Suedi”, i tha gjyqtari të pandehurit. 29-vjeçari tani duhet të kalojë tre vjet burg. Por për sjellje të mirë ai mund të bëjë vetëm dy vite./TIRANA TODAY/
